كنت سامع وشايف وساكت

عطيه الخضرى عطيه
كنت سامع وشايف وساكت
لكن معدش ينفع تانى السكوت
انا مصرى حر
واجب على يكون لى صوت
من النهارده
كل جوارحى اعضاء كلام
من غير الكلام خلاص اموت
لو فوق لسانى الف سور
وفوق عيونى الف سور
وفوق ودانى الف سور
هعدى السور
واشوف النور
هصرخ واحكى واقول غناوى
وازعل واطق ودمى يفور
واقول للغلط لازم يغور
وارمم جوه قلبى
القلب اللى كان مكسور
معدتش اسكت
بقولها بكل جوارحى وانا معذور
لازم عينى تشوف النور
لازم لسانى يقول ويثور
لازم اقول واشوف واسمع
كل اللى حولى يدور
لازم اراعى زرعتى
واعرف اختار البذور
لو سكت اسكت براحتى
مش غصب عنى
ازعل اعيط ابكى
يمكن ساعات اكون مسرور
لو فوق لسانى الف سور
لو فوق عيونى الف سور
لو فوق ودانى الف سور
هعدى السور
لو قطعوا فى اللسان
هعمل لنفسى الف لسان
لو قطعوا ليه الودان
هيكون لى الف مدن تظهر تبان
لو خزجولى العيون
هيكون لى الف عين ف كل مكان
لان انا انسان
عايش ودايق مر وهوان
لازم يكون لى الف عين
لازم يكون لى الف ودن
لازم يكون لى الف لسان

» كنت سامع وشايف وساكت