عايزين نفرح ياريس

عايزين نفرح ياريس
البند مبيسمحش
طاب فكها لنا شويه
الفك مبيفلحش
فينها فلوس الغاز
الغاز مبيجمعش
طيب فلوس الضرايب
دا ناسنا مبتدفعش
طاب فينها فلوس البورصه
خسرانه مبتربحش
وفين فلوس القناه
ولا فلوس السياحه
يسكت ومبيسمعش
ويوم ما كنا ننافق
بقصيده شعريه
كل الجرايد تقول
اسكت متتجنزحش
جذره وقطمها الجحش
عشان كده الخداع منفعش
والشعب الاصيل مسمحش
ولاى وعود مسمعش
قالها وعود فالصو
وشعبنا مرتحش
وقال الشعب كلمته
ارحل متستنطعش
قالوا مريض قلنا يموت
وخساره فيه النحش
يقولوا فى التحرير
روحوا هتموتوا
ونقول مبنروحش
فرحان قوى بجمالك
فرحان بقتل عيالك
فرحان بكتره مالك
والصوره واضحه قبالك
قاسى ومبترحمش
غبى ومبتفهمش
وقدر ربنا يذلك
وقدر ربنا يعلك
وقدر ربنا يشلك
اصلك ظلمت كتير
والظلم مبينفعش
قالوا مريض قلنا يموت
وخساره فيه النحش
جذره وقطمها الجحش
كان فكره اننا اذله
واخدين على الذله
وهم ف الرحرحه
والعيشه فى الضله
كانوا عصابه
باقدارنا بتلعب وتتسله
مسيرها تنجمع زبالتكوا
وتنحط ف السله
وينحط فى عين الكبير
ابره ومسله
نسوا ان المصاروه
اصغر ما فيهم وحش
قالو مريض قلنا يموت
وخساره فيه النحش
جذره وقطمها الجحش
كانو فاكرين انهم
غرقونا وهم ع الشط
وكانو بيسرقونا
ويكلوا وز وبط
لكنننا قررنا
كل الخطوط تنحط
وكبير العصابه هرب
بفلوسه فر وفط
لكن الاسد نط
لن تهربوا قط
ومسيرها ترجع فلوسنا
وترتاح نفوسنا
معدناش نصدق اى وعود تتمط
مفيش خيار تانى
يا اما ترجع يا اما ترجع
قرارنا خلاص انحط
هنعاقب كل منحط
هيشوفوا لنا صوره تانيه
مصرى ما ينخدعش
قالوا مريض قلنا يموت
وخساره فيه النحش
جذره وقطمها الجحش

» عايزين رئيس يخاف ربنا