باراك اوباما فال
يجب ان نربى ابناءنا ليصبحوا كشباب مصر
رئيس وزراء ايطاليا قال
لاجديد فى مصر فقد صنع المصريون التاريخ كالعاده
هاينز فيشر رئيس النمسا قال
ان شعب مصر من اعظم شعوب الارض ويستحق جائزه نوبل للسلام
السى ان ان الامريكيه قالت
لاول مره فى التاريخ نرى شعبا يقوم بالثوره ثم ينظف الشوارع بعدها
حقا انها لحظه من اعظم اللحظات فى تاريخ مصر
اللهم لك الحمد والشكر كما ينبغى لجلال وجهك وعظيم سلطانك
يا مصر ان الاوان كفايه ذل وهوان
معدش بينا طوايف لا سنه ولا اخوان
شعب واحد رجعنا من تانى زى زمان
دلوقتى نتكلم بحماسه الشجعان
معدش فينا جبان
ولا عدش فيه احزان
كلنا نسيج واحد انجيل مع القران
كلنا مصر كلنا انسان
لو قطعوا لنا اللسان
هيكون لنا 80 مليون لسان
تظهر تبان
لو قطعوا لنا الودان هيكون لنا بمشيئه الرحمن
80 مليون ودن تظهر تبان
لاننا انسان
عارفين حقوق بلدنا
ف القلب والشريان
حافظين فروض ربنا خالق الاكوان
عاشقين تراب بلدنا
قلوبنا خشوع وايمان
اصل انا المصرى ثورتى بركان
ولايهمنى منصب
ولا مال ولا اطيان
انا مصرى حر
وحريتى عنوان
مهما يضيع صوتى من غلبه الاحزان
يطلع يقول تانى ويزلزل الاركان
تشوفنى تقول طيب
ويمكن ساعات غلبان
قوتى فى سكاتى
وقت المحن بتبان
تنادى بلدنا علينا
نطلع لها كالجان
نوهب حياتنا فداها ونزين البستان
فدا ذره تراب تتهان
حبيبتى يا امه
حبيبتى يا امه بهدلوكى
عن ولادك يا امه عاوزين يبعدوكى
حبيبتى يا امه فرطوا فيكى وباعوكى
سنين يا امى بيدبحوكى
راح تفضلى دايما عزيزه
عمرهم ما يقدروا يذلوكى
بس صعبان على يا امه
ان عصابه من ولادك حاولوا يغرقوكى
طمعوا فيكى يا امه
وسنين بيسرقوكى
واما انكشف سترهم حاولوا يحرقوكى
لكن لسه اولادك المخلصين
ف ارضك موجودين
اقسموا يا امه بحياتهم ليحرروكى
ويطردوا كل الفساد
ويقتلوا فرعون وعاد
ويقتلوا كل العناد
وبدمهم يزينوكى
انتى يا امه ف نبضنا
مهما حاولوا يبعدوكى
ارواحنا يا امه فدو لترابك
فوق قلوبنا نرفعوكى
ربنا فى القران كرمك
يبقى عار وذنب
لو مقدرناش نكرموكى
معلش يا فى حضرتك
صوتنا على من خنقته
لكننا والله يا امه بنعشقوكى
وبنحلف بنعمه ربنا لنعمروكى
دا وعدنا
وشاهد علينا ربنا
لما بنوعدوكى
ياست كل الناس يا امى
مش احنا اللى بنصبك
دا كل الدنيا نصبوكى
قالوا ام الدنيا
والله صدقوا ما ظلموكى
مش ولادك يا امه اللى يخربوكى
ولا اولادك يا امه اللى يحرجوكى
ولا ولادك يا امه اللى يوم خانوكى
لكن ولادك يا امه اللى ف التحرير
رفعوا قدرك وشرفوكى
زعلوا عشانك يا امى
ومن رئيسك حالفين يطلقوكى
اتكلمى يا امه على لسان كل طفل
عمرهم تانى ميقدروا يخرصوكى
ولا يقدروا تانى يسكتوكى
عرفت قدرك يا امه
ولادك عمرهم منسوكى
عطيه الخضرى عطيه / قلين كفر الشيخ